काठमाडौं। विश्वव्यापी मोबिलिटी तथा डेलिभरी प्लेटफर्म इनड्राइभले ‘प्लाटिनम ड्राइभर गिभअवे’ क्याम्पेनका विजेताहरूलाई काठमाडौंमा आयोजित एक विशेष समारोहबीच ग्रान्ड पुरस्कार हस्तान्तरण गरेको छ । उक्त अभियानमा ड्राइभर्स पार्टनर्सहरूको उत्साहजनक सहभागिता रहेको थियो।
सन् २०२६ मार्च २ देखि मार्च २९ सम्म सञ्चालन गरिएको यस चार हप्ते क्याम्पेन, ड्राइभर्स पार्टनर्सहरूको कार्यसम्पादन तथा सेवा गुणस्तरका आधारमा निरन्तर ‘प्लाटिनम’ स्तर कायम राख्ने चालकहरूलाई सम्मान गर्ने उद्देश्यले आयोजना गरिएको थियो ।
साप्ताहिक चुनौतीहरू, आकर्षक पुरस्कार तथा दुई प्रमुख ग्रान्ड पुरस्कारमार्फत अभियानले इनड्राइभका उत्कृष्ट तथा प्रतिबद्ध ड्राइभर्स पार्टनर्सहरूलाई सम्मान गरेको थियो।
- टाटा एक्सप्रेस–टी ईभी (क्याब चालक वर्ग) : पेषल बुढाथोकी
उक्त विजेताहरू चार हप्ताका चुनौती अवधिभर निरन्तर ‘प्लाटिनम’ स्तर कायम राख्दै सबै योग्यता मापदण्ड पूरा गर्ने चालकहरू मध्येबाट छनोट गरिएको कम्पनीले जनाएको छ ।
ग्रान्ड पुरस्कारका अतिरिक्त, अभियानअन्तर्गत थप चालक साझेदारहरूलाई सम्मान गर्न विभिन्न साप्ताहिक पुरस्कारहरू पनि वितरण गरिएको थियो, जसअन्तर्गतः
- १६ जनालाई Samsung Galaxy A17 5G छन्
क्याब चालक वर्गका विजेता श्री पेषल बुढाथोकीले भन्नुभयो, “हाम्रो मेहनत र समर्पणलाई मान्यता दिएकोमा म इनड्राइभप्रति आभारी छु । ‘प्लाटिनम’ स्तर कायम राख्नु निरन्तर अनुशासन र यात्रु सन्तुष्टि प्रतिको प्रतिबद्धतासँग जोडिएको हुन्छ। टाटा एक्सप्रेस–टी ईभी प्राप्त गर्नु मेरो लागि ठूलो उपलब्धि हो र यसले आगामी दिनमा अझ राम्रो सेवा दिन प्रेरणा दिएको छ ।”
त्यस्तै, बाइक÷मोटो चालक वर्गका विजेता श्री सरोज खातीवडाले भन्नुभयो, “यो पुरस्कार जित्नु मेरो लागि गर्वको विषय हो। अभियानले मलाई अझ राम्रो प्रदर्शन गर्न र सेवा स्तर कायम राख्न प्रेरित ग¥यो । याडिया भिलक्स जित्नु मेरो र मेरो परिवारका लागि खुशीको क्षण हो। चालक साझेदारहरूलाई सशक्त बनाउने इनड्राइभप्रति धन्यवाद व्यक्त गर्दछु ।”
इनड्राइभ नेपालकी सिनियर ड्राइभर अपरेसन स्पेसलिस्ट सुनीता जीमी राईले विजेताहरूलाई बधाई दिँदै भन्नुभयो, “हाम्रा ड्राइभर्स पार्टनर्सहरू इनड्राइभको सफलताको मुख्य आधार हुनुहुन्छ। उहाँहरूको समर्पणलाई सम्मान गर्ने उद्देश्यले ‘प्लाटिनम ड्राइभर गिभअवे’ अभियान सञ्चालन गरिएको हो । यस पहलले चालकहरूको जीवनमा सकारात्मक प्रभाव पार्दै उहाँहरूको आयआर्जनमा सहयोग पुगेको देख्दा हामी उत्साहित छौं। आगामी दिनहरूमा पनि चालक साझेदारहरूको हितमा यस्ता अर्थपूर्ण कार्यक्रमहरू ल्याउने हाम्रो प्रतिबद्धता रहनेछ ।
साथै, बढ्दो सञ्चालन खर्चलाई मध्यनजर गर्दै २०२६ अप्रिल १५ देखि लागू हुनेगरी २७ लाख रुपैयाँ बराबरको इन्धन सहयोग कार्यक्रम पनि हामीले सञ्चालनमा ल्याएको छौं । चालकहरूको सक्रियता र कार्यसम्पादनका आधारमा वितरण गरिएको उक्त सहयोगले प्लेटफर्ममा निर्भर चालकहरूलाई लक्षित आर्थिक राहत प्रदान गर्नेछ ।
इनड्राइभका लागि चालकहरू केवल साझेदार मात्र नभई हाम्रो समुदायको आधारस्तम्भ हुनुहुन्छ। उहाँहरूको योगदानको सम्मान गर्दै निष्पक्षता र स्वतन्त्र रोजाइमा आधारित प्लेटफर्म निर्माण गर्दै अघि बढ्नु नै हाम्रो लक्ष्य हो।”
