काठमाडौं । शाइन रेसुंगा डेभलपमेन्ट बैंकले आईएमईसँगको सहकार्यमा मोबाइल बैंकिङ एपमा आईएमई रेमिट्यान्स सुविधालाई एकीकृत गरेको छ । यससँगै ग्राहकले अब कुनै पनि समयमा आईएमई रेमिट्यान्सको रकम सिधै आफ्नो बैंक खातामा प्राप्त गर्न सक्ने भएका छन् ।
आधुनिक बैंकिङलाई आत्मसात् गर्दै डिजिटल बैंकिङलाई प्राथमिकतामा राखेको बैंकले ग्राहकलाई अनलाइनबाटै रेमिट्यान्स रकम भुक्तानी लिन सकिने व्यवस्था गरेको हो ।
यसअघि, शाइन रेसुंगाले आफ्नो मोबाइल बैंकिङ एपमा ईसेवा रेमिट्यान्स (ईएमटी) सेवालाई पनि एकीकृत गरेको थियो, आगामी दिनमा अन्य रेमिट्यान्स सेवा पनि एकीकृत गर्ने योजना बैंकले बनाएको छ ।
सन् २००१ मा स्थापित आइएमई विप्रेषण सेवाप्रदायक नेतृत्वदायी रेमिट्यान्स कम्पनी हो ।
