काठमाडौँ । मातृभूमि लघुवित्त वित्तीय संस्थाको कामु प्रमुख कार्यकारी अधिकृत (सीईओ) मा अशोक कुमार आचार्य नियुक्त भएका छन् ।
मातृभूमि लघुवित्त किसान लघुवित्त वित्तीय संस्था र जाल्पा सामुदायिक लघुवित्त वित्तीय संस्था एक आपसमा गाभिएर बनेको संस्था हो । संस्थाको असार २८ गते बसेको सञ्चालक समितिको बैठकले संस्थाको हालका नायब सीईओ आचार्यलाई अर्को व्यवस्था नभएसम्मका लागि कामु सीईओमा नियुक्त गर्ने निर्णय गरेको हो ।
सोही दिन बसेको बैठकले संस्थाका नायब सीईओ सजल खड्कालाई कम्पनी सचिवको जिम्मेवारी प्रदान गर्ने निर्णय गरेको जानकारी दिएको छ ।
