काठमाडौँ । १० महिनाको अवधिमा देशभर बैंकिङ्ग कसुरको मुद्दा सबैभन्दा धेरै देखिएको प्रहरी प्रधान कार्यालयले जनाएको छ । मुख्य १० वटा अपराध मध्येमा बैँकिङ कसुरसम्बन्धी अपराध सबैभन्दा धेरै रहेको हो।
२०८१ साउनभन्दा पछि ११ हजार ४८ वटा बैँकिङ कसुुरका मुद्दा प्रहरीमा दर्ता भएको छ । तीमध्ये सबैभन्दा धेरै मुद्दा काठमाडौँ उपत्यकामा दर्ता भएको प्रहरी प्रवक्ता (एसएसपी) रमेश थापाले जानकारी दिए ।
प्रवक्ता (एसएसपी) थापाका अनुसार कुल मुद्दामध्ये ५९ दशमलव २५ प्रतिशत मुद्दा काठमाडौँ उपत्यकामा दर्ता भएको छ ।
