काठमाडौं। गत वर्ष र यस वर्षको साधारणसभा एकै पटक बोलाएको ग्रीन डेभलपमेन्ट बैंकले सेयरधनीका लागि लाभांश घोषणा गरेको छ।
फागुन २४ गते बसेको बैंक सञ्चालक समितिको बैठकले गत आवको नाफाबाट ४ प्रतिशत लाभांश घोषणा गरेको हो। जसमा बोनस ३.८ प्रतिशत र कर प्रयोजनका लागि ०.२० प्रतिशत नगद लाभांश रहेको बैंकले जनाएको छ ।
कम्पनीले चैत २७ गते बार्षिक साधारण सभा बोलाउने भएको छ । सभा प्रयोजनका लागि चैत ९ गते बुक क्लोज गर्ने भएको छ । चैत ८ गतेसम्म कायम रहेका सेयरधनीले कम्पनीको लाभांश पाउनुका साथै सभामा समेत भाग लिन पाउनेछन् ।
