काठमाडौं । युनाइटेड अजोड इन्सुरेन्सले १ लाख ४९ हजार ११६ कित्ता संस्थापक सेयर बिक्रीमा ल्याएको छ।
कम्पनीले प्रतिकित्ता सेयरको न्यूनतम भाउ २७० रुपैयाँ तोकेको छ। यसमा कम्पनीका विद्यमान संस्थापक सेयरधनीले आवेदन दिन सकिने कम्पनीले जनाएको छ ।
सेयर खरिद गर्न इच्छुक संस्थापक सेयरधनीले मंगलबार (चैत १३ गते) बाट ३५ दिनभित्र कम्पनीको प्रधान कार्यालय सीटीसी मल, सुन्धारा काठमाडौं आवेदन दिनुपर्नेछ।
यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने कम्पनीले सूचनामा उल्लेख गरेको छ।
