काठमाडौं । मुक्तिनाथ म्युचुअल फण्डअन्तर्गत सञ्चालित मुक्तिनाथ म्युचुअल फण्ड–१ का इकाइधनीले आर्थिक वर्ष २०८२/८३ को मुनाफाबाट २० प्रतिशत नगद लाभांश पाउने भएका छन् ।
योजनाले करसहित २० प्रतिशत नगद लाभांश वितरण सुरु गरेको हो । मुक्तिनाथ क्यापिटल लिमिटेडका अनुसार असोज २ गतेदेखि सम्बन्धित इकाइधनीको बैंक खातामा लाभांश जम्मा गर्न थालिएको छ ।
मुक्तिनाथ विकास बैंक लिमिटेड कोष प्रवर्द्धक तथा मुक्तिनाथ क्यापिटल लिमिटेड योजना व्यवस्थापक तथा डिपोजिटरी रहेको यस योजनाले मुनाफाबाट लाभांश वितरण गरेको हो ।
बैंक खाता अद्यावधिक गर्न आग्रह
क्यापिटलले हितग्राही खातामा बैंक खाता अद्यावधिक नगरेका इकाइधनीलाई आफ्नो बैंक विवरण अद्यावधिक गर्न आग्रह गरेको छ ।
यस्तै, धितो राखिएका इकाइको हकमा सम्बन्धित बैंक तथा वित्तीय संस्थाबाट ‘नो अब्जेक्सन लेटर’ वा फुकुवा पत्र पेस गर्नुपर्नेछ । आवश्यक कागजात पेस गरेपछि मात्र त्यस्ता इकाइधनीको बैंक खातामा नगद लाभांश जम्मा गरिने क्यापिटलले जनाएको छ ।
