काठमाडौं । एनआईसी एशिया म्युचुअल फण्ड अन्तर्गत सञ्चालित दुई योजनाहरुले आफ्ना इकाईधनीहरुलाई वितरण गर्ने लाभांस घोषणा गरेको छ । असोज २७ गते बसेको क्यापिटलको सञ्चालक समितिको बैठकले सो निर्णय गरेको हो ।
एनआईसी एशिया क्यापिटल लिमिटेडको सञ्चालक समितिको बैठकले एनआईसी एशिया ग्रोथ फण्डका इकाईधनीहरुलाई कर सहित १०.५० प्रतिशतका दरले र एनआईसी एशिया ब्यालेन्स्ड फण्डका इकाईधनीहरुलाई करसहित १० प्रतिशतका दरले लाभांस वितरण गर्ने घोषणा गरेको हो ।
