काठमाडौं । सरकारले आयकरको तेस्रो किस्ताबापतको कर दाखिला गर्न आग्रह गरेको छ । आय वर्ष २०७९–८० को अनुमानित करको सतप्रतिशत रकममध्ये तिर्न बाँकी कर रकम असार महिनाभित्र दाखिला गर्न आन्तरिक राजस्व विभागले आग्रह गरेको छ ।
आयकर ऐन, २०५८ को दफा ९४ को उपदफा ९१० वमोजिम आयकरको किस्ता रकम दाखिला गर्नुपर्ने करदाताले दफा ९५ बमोजिम कारोबारको अनुमानित करको विवरणअनुसार तिर्नुपर्ने कर तिर्न विभागले आग्रह गरेको छ ।
विभागको सूचनामा भनिएको छ, ‘आयकर ऐन, २०५८ को दफा ९४ को उपदफा (१) बमोजिम आयकरको किस्ता रकम दाखिला गर्नुपर्ने करदाताहरुले दफा ९५ बमोजिम कारोबारको अनुमानित करको विवरणअनुसार तिर्नुपर्ने आय वर्ष २०७९/०८० को अनुमानित करको शतप्रतिशत रकम मध्ये तिर्न बाँकी कर रकम (तेस्रो किस्ता आयकर) २०८० असार महिनाभित्र दाखिला गर्नुपर्ने कानूनी व्यवस्था भएकोले सो अनुसार म्यादभित्रै दाखिला गर्नुहुन अनुरोध छ ।’
