काठमाण्डौं। एनआईसी एशिया बैंक लिमिटेडको स्वामित्वमा रहेको नागरिक लगानी कोष (सीआईटी) को संस्थापक सेयर लिलामी मार्फत बिक्रीमा राखेको छ।
बैंकले आजदेखि सीआईटीको ५० हजार कित्ता सेयर लिलामीमा राखेको हो। सेयर खरिद गर्न इच्छुक लगानीकर्ताले आगामी जेठ २० गतेसम्म गोप्य सिलबन्दी बोलपत्र पेश गर्नुपर्नेछ। उक्त सेयरको न्यूनतम मूल्य प्रतिकित्ता ७५८ रुपैयाँ निर्धारण गरिएको छ।
बोलपत्र पेस गर्दा लगानीकर्ताले लिन चाहेको सेयर सङ्ख्या, प्रतिकित्ता दररेट अंक र अक्षरमा स्पष्ट खुलाई लेख्नुपर्ने छ। सेयर खरिदका लागि बोलपत्र पेश गर्दा न्यूनतम १० हजार कित्तादेखि अधिकतममा सम्पूर्ण कित्ताका लागि खरिद आवेदन दिन सकिनेछ।
