काठमाडौं । नागरिक लगानी कोषको सञ्चालक सदस्यमा अर्थ मन्त्रालयका सहसचिव डा.
सुमन दाहाल मनोनीत भएका छन्।
अर्थ मन्त्रालयको असोज ७ गतेको निर्णयअनुसार दाहाललाई कोषको सञ्चालक सदस्यमा मनोनयन गरिएको हो। उनले असोज १५ गते बसेको कोष सञ्चालक समितिको बैठकमा पद तथा गोपनीयताको शपथ लिएका छन्।
दाहाल हाल अर्थ मन्त्रालयको राजस्व व्यवस्थापन महाशाखाका सहसचिवका रूपमा कार्यरत छन्। अर्थ मन्त्रालयको आधिकारिक विवरणमा पनि उनको जिम्मेवारी राजस्व व्यवस्थापन महाशाखामै उल्लेख गरिएको छ।
