काठमाडौँ। आर्थिक वर्ष २०८०/८१ का लागि कृषि विकास बैंकले लाभांश घोषणा गरेको छ।
पुस ४ गते बसेको बैंक सञ्चालक समितिको बैठकले गत आर्थिक वर्षको खुद मुनाफाबाट हाल कायम चुक्ता पुँजीको कुल १० दशमलव ५३ प्रतिशत लाभांश दिने घोषणा गरेको हो।
कुल लाभांशमध्ये ३ प्रतिशतका दरले बोनश शेयर र ७ दशमलव ५३ प्रतिशत नगद (लाभांशमा लाग्ने कर प्रयोजन समेतका लागि) लाभांश घोषणा गरेको हो ।
उक्त प्रस्तावित लाभांश नेपाल राष्ट्र बैंकले स्वीकृति प्रदान गरेसँगै कम्पनीको आगामी वार्षिक साधारण सभाले पारित गरेपश्चात् वितरण हुनेछ ।
