काठमाडौँ । टिकटकको माउ कम्पनी बाइटडान्सका संस्थापक झाङ यिमिङ चीनका सबैभन्दा धनी व्यक्ति बनेका छन् ।
झाङले नोंगफु स्प्रिङका झोंग शान्शानलाई उछिनेका हुन। यिमिङको कुल सम्पत्ति करिब ४९.३० अर्ब डलर पुगेको छ ।
जसको मुख्य स्रोत बाइटडान्सको निजी बजार मूल्यांकनमा आधारित रहेको छ । जुन लगभग २१७ अर्ब डलर रहेको छ ।
झाङ चीनको धनीको सूचीमा शीर्ष स्थानमा पुगेका छन् । तर चीनमा कुल अर्बपतिहरुको सङ्ख्या भने घटेको छ । यो कमी चीनको रियल स्टेट क्षेत्रको आर्थिक चुनौतीसँगै प्रविधि कम्पनीहरूमाथि जारी नियामक नियन्त्रणका कारण देखिएको छ ।
बाइटडान्सले अमेरिकामा टिकटकको स्वामित्वलाई लिएर राजनीतिक दबाब सामना गर्दै आएको छ भने चीनमा प्रविधि क्षेत्रमा आईरहेको मन्दीले धेरै कम्पनीको मूल्यांकन घटाएको छ । एजेन्सीको सहयोगमा
