काठमाडौँ। प्रहरी र अनुगमन सहितको टोलीले वीरगन्जस्थित नेसनल मेडिकल कलेजमा छापा मारेको छ। वीरगञ्ज महानगर, औषधी व्यवस्था विभाग र प्रहरीसहितको टोलीले नेसनल मेडिकल कलेजमा संयुक्त रूपमा छापा मारेको हो।
प्रहरीले प्रयोगशालामा म्याद नाघेका केमिकल प्रयोग गरिरहेको सूचनाका आधारमा छापा मारिएको जानकारी दिएको छ । नेसनल मेडिकल कलेजको ब्लक (ए) मा रहेको प्रयोगशालामा अनुगमन टोलीले छापा मारेको पर्सा प्रहरीले जनाएको छ।
प्रयोगशालाबाट म्याद नाघेका केमिकल बरामद भएपछि मेडिकल कलेजका प्रबन्ध निर्देशक शाहनवाज हुसेन र ल्याब प्रमुख सञ्जय साहलाई पक्राउ गरिएको छ।
ल्याबमा सन् २०२१ म म्याद सकिएका केमिकलसहितका औषधी बरामद भएपछि सोधपुछका लागि अन्सारीलाई नियन्त्रणमा लिइएको पर्सा प्रहरी प्रमुख कुमोध ढुङ्गेलले बताए।
