काठमाडौँ । बैंकिङ्ग प्रणालीको निक्षेप ११ अर्ब रुपैयाँले बढेको छ । नेपाल राष्ट्र बैंकको तथ्यांक अनुसार बैंकिङ्ग प्रणालीको निक्षेप ६६ खर्ब ४० अर्ब रुपैयाँ पुगेको छ ।
यो कात्तिक ३० गतेसम्मको तथ्यांकलाई हेर्दा बैंकिङ्ग प्रणालीको निक्षेप उल्लेखित रकम बराबर कायम भएको हो । कात्तिक ३० अगाडि उक्त निक्षेप ६६ खर्ब २६ अर्ब रुपैयाँ थियो।
केन्द्रीय बैंकको तथ्यांकअनुसार उक्त समयमा वाणिज्य बैंकहरूले संकलन गर्ने निक्षेपमा समेत बृद्धि भएको हो । अघिल्लो दिनको तुलनामा ३० गते यस्तो निक्षेप संकलनमा १३ अर्ब रुपैयाँले बढेको हो। अघिल्लो दिन ५८ खर्ब ९१ अर्ब रहेको निक्षेप २९ गते ५९ खर्ब ४ अर्ब पुगेको छ ।
निक्षेप सँगै वाणिज्य बैंकहरुको कर्जा लगानी ४ अर्ब रुपैयाँले बढेको छ । २९ गते ४६ खर्ब ७७ अर्ब कर्जा प्रवाह गरेका बैंक तथा वित्तीय संस्थाले ३० गते ४६ खर्ब ८१ अर्ब कर्जा प्रवाह गरेका छन् । सोही समयमा बैंक तथा वित्तीय संस्थाले गर्ने कर्जा लगानी ५ अर्बले बढेको छ। २९ गते ५२ खर्ब ८२अर्ब कर्जा प्रवाह गरेका बैंक तथा वित्तीय संस्थाले ३० गते ५२ खर्ब ८७ अर्ब प्रवाह गरेका छन् ।
