काठमाडौँ। आजदेखि मर्जरमा गएका साधना लघुवित्त र सबैको लघुवित्त वित्तीय संस्था लिमिटेडको एकीकृत कारोबार सुरु भएको छ।
मर्जरपश्चात् बनेको ‘सम्पदा लघुवित्त वित्तीय संस्था लिमिटेड’ को नामबाट दुवै संस्थाले एकीकृत कारोबार सुरु गरेका हुन । यी दुवै संस्थालाई राष्ट्र बैंकले गत असार १३ मर्जरका लागि अन्तिम स्वीकृति प्रदान गरेको थियो ।
दुवै संस्थाको गत फागुन १९ गते सम्पन्न बेग्ला–बेग्लै साधारण सभाले प्राप्ति प्रस्ताव पारित गरेका थिए ।
नेपाल राष्ट्र बैंकबाट ‘घ’वर्गको इजाजतप्राप्त यी दुई संस्था मर्जरपश्चात् बनेको सम्पदा लघुवित्त वित्तीय संस्थाको रजिस्टर्ड कार्यालय हाल तनहुँको डुम्रेमा रहने भएको छ ।
