काठमाडौँ । सत्तारुढ नेकपा (एकीकृत समाजवादी) निकट युवा संघ नेपालले मूल्यवृद्धि र कालोबजारी रोक्न माग गरेकाे छ । संघले कालोबजारी रोक्न माग गर्दै नेपाल सरकारका उद्योग वाणिज्य तथा आपूर्ति मन्त्री रमेश रिजाललाई ज्ञापनपत्र बुझाएको हाे ।
युवा संघका संयोजक कृष्ण विश्वकर्माको नेतृत्वको टोलीले बुधवार मन्त्री रिजाललाई भेटेर आर्थिक तरलता कारण राष्ट्रिय संकट आइपरेका बेला कृत्रिम अभाव सृजना गरी मूल्य वृद्धि र कालोबजारी बढेको भन्दै नेपाल सरकारको ध्यानाकर्षण गराएको संघका नेता मनोज खत्रीले जानकारी दिए ।
संघले ज्ञापन पत्र मार्फत रोजगारी सिर्जना गर्नतर्फ पहल नगरेको तथा महँगी नियन्त्रणमा समेत चासो नदिँदा जन–आक्रोश चुलिएको सन्दर्भलाई बुझ्न विलम्ब नगर्न सरकारलाई भनेको छ ।
