काठमाडौँ। सहकारी ठगी प्रकरणमा राष्ट्रिय स्वतन्त्र पार्टी (रास्वपा) का सभापति तथा पूर्व गृहमन्त्री रवि लामिछानेलाई थप चार दिन हिरासतमा राख्न अदालतको आदेश दिएको छ।
कास्की प्रहरीको हिरासतमा रहेका लामिछानेलाई मंगलबार (आज) अदालत उपस्थित गराउँदै थप चार दिन हिरासतमा राख्न माग गरिएको थियो । प्रहरीले गोर्खा मिडियाकै पूर्व प्रबन्ध निर्देशकसमेत रहेका लामिछानेसहित गोर्खा मिडियाका पूर्वउपाध्यक्ष छविलाल जोशी, नेचर हर्ब्सका सञ्चालक रामबहादुर खनाल, जीवी राईका सहयोगी लीला पछाईंलाई म्याद थपका लागि अदालतमा उपस्थित गराएको हो ।
सोमबार नै अनुसन्धान प्रतिवेदन जिल्ला सरकारी वकिलको कार्यालयमा प्रहरीले बुझाइसकेको छ।
लामिछानेलाई गत कार्तिक २ गते पक्राउ गरिएको थियो। भने छविलाल जोशीलाई असोज ६ गते नै प्रहरीले पक्राउ गरेको थियो । प्रहरीले म्याद थपको लागी समय माग गरेसँगै अदालतले थप ४ दिन हिरासतमै राख्न म्याद दिएको हो।
