काठमाडौं । थ्रीस्टार हाइड्रोपावरले शतप्रतिशत हकप्रद सेयर जारी गर्ने निर्णय गरेको छ।
कम्पनीको सोमबार (कात्तिक ५ गते) बसेको सञ्चालक समिति बैठकले शतप्रतिशत हकप्रद सेयर निष्कासनका लागि नियामक विद्युत नियमन आयोगसँग पूर्वस्वीकृति माग्ने निर्णय गरेको छ ।
आयोगले पूर्वस्वीकृति लिएर हकप्रद सेयर निष्कासन प्रस्ताव आगामी साधारण सभामा पेश गर्ने कम्पनीले जनाएको छ । हाल थ्रीस्टारको चुक्ता पुँजी ४९ करोड २५ लाख रुपैयाँ रहेको छ ।
