काठमाडौँ । ४ लाख १२ हजार रुपैयाँ घुस रकमसहित अख्तियार दुरुपयोग अनुसन्धान आयोगले दुई जनालाई रंगेहात पक्राउ गरेको छ।
दार्चुलाको शैल्यशिखर नगरपालिकाका कृषि प्राविधिक (अधिकृत) मोहन सिंह धामी र कृषि प्राविधिक अशोक सिंह धामीलाई अख्तियारको टोलीले सोमबार पक्राउ गरेको जनाएको छ ।
धामीद्वयले कृषि समूहको बिल भुक्तानी गर्दा कमिसन बापत सेवाग्राहीसँग घुस मागेको उजुरीका आधारमा अख्तियार दुरुपयोग अनुसन्धान आयोगको कार्यालय, कञ्चनपुरबाट खटिएको टोलीले कैलालीको धनगढी उपमहानगरपालिका वडा नम्बर ४ स्थित बोराडाडीबाट नियन्त्रणमा लिएको अख्तियारले जनाएको छ ।
पक्राउ परेका उनीहरूको साथबाट ५० लाख ६० हजार रुपैयाँको चेकसमेत बरामद गरिएको छ।
धामीद्वयको साथबाट पैँतालीस लाख साठी हजारको ५ थान चेक चेक बरामद भएको छ । यस्तै अशोक सिंह धामीको नाममा काटिएको पाँच लाख ९२ लाख ५० हजारको दुई वटा० को चेकसमेत गरी कुल ५० लाख ६० हजारको चेक बरामद भएको अख्तियारले जनाएको छ । हाल उनीहरु माथि अनुसन्धान भइरहेको छ ।
