काठमाडौँ । इजरायलले रातभर गरेको हवाई आक्रमणका कारण इरानको राजधानी तेहरानमा तेल प्रशोधन केन्द्रहरूमा भीषण आगलागी भएको छ ।
आक्रमणपछि आकाशतर्फ बाक्लो धुवाँको मुस्लो उठेको र शहरका केही क्षेत्र उज्यालो बनेको स्थानीय बासिन्दाले बताएका छन् ।
स्थानीय बासिन्दाका अनुसार आक्रमणपछि लागेको आगो नजिकैको कूहसर बुलेवार्डसम्म फैलिएको छ । आगलागीले सडक किनारका घर र पसलहरूमा समेत क्षति पुर्याएको प्रत्यक्षदर्शीहरूले बताएका छन् ।
एक स्थानीयले भने, ‘रात एक्कासी दिनजस्तै उज्यालो भयो ।’ रातभर भएका आक्रमणमा इजरायलले विशेषगरी तेल भण्डारण र प्रशोधन संरचनालाई निशाना बनाएको बताइएको छ ।
मध्यपूर्व तनावको असर विश्व भु-राजनीतिसँगै अर्थतन्त्रमा पनि देखिन थालिसकेको छ।
