काठमाडौं । इन्फिनिटी लघुवित्त वित्तीय संस्था लिमिटेडको खुद नाफामा ठुलो परिणाममा बृद्धि भएको छ ।
संस्थाले चालु आर्थिक वर्ष २०८०- ८१ को तेस्रो त्रैमाससम्म ५ करोड २५ लाख रुपैयाँ खुद नाफा आर्जन गरेको छ। यो गत वर्षको सोही अवधिको तुलनामा २८० प्रतिशतले बढी हो । गत वर्ष संस्थाले १ करोड ३८ लाख रुपैयाँ मात्र खुद नाफा आर्जन गरेको थियो ।
हाल इन्फिनिटीको चुक्ता पुँजी ४९ करोड ७४ लाख १५ हजार रुपैयाँको रहेको छ । यसको जगेडा कोषमा २६ करोड ५७ लाख जम्मा छ । रिटेन्ड अर्निङ भने ४ करोड ४६ लाखले ऋणात्मक छ ।
यसअवधिसम्म आइपुग्दा यो लघुवित्तको प्रतिसेयर आम्दानी १०.४० रुपैयाँले बढेर १४.१० रुपैयाँ पुगेको छ । यसको प्रतिसेयर नेटवर्थ भने १४४.५० रुपैयाँ देखिएको छ । संस्थाको इम्पेयरमेन्ट चार्ज रिभर्स हुँदा खुद नाफा बढेको हो । यसले १ करोड ५५ लाख रुपैयाँ उक्त चार्ज रिभर्स गरेको छ। गत वर्षको चैतसम्म संस्थाको इम्पेयरमेन्ट चार्ज मात्रै ५ करोड ६५ लाख रुपैयाँ बराबरको थियो ।
