काठमाडौं । सन्तोष कोइराला माछापुच्छ्रे बैंकको प्रमुख कार्यकारी अधिकृत (सीईओ)मा दोस्रो कार्यकालको लागि नियुक्त भएका छन् ।
बिहीबार बसेको बैंक सञ्चालक समिति बैठकले कोइरालालाई थप चार वर्षका लागि प्रमुख कार्यकारी अधिकृतमा निरन्तरता दिने निर्णय गरेको हो ।
बैंकिङ क्षेत्रमा साढे २ दशकभन्दा लामो अनुभव बटुलेका कोइराला करियरको छोटो समयमै उल्लेख्य प्रगति हासिल गर्न सफल बैंकरको रुपमा चिनिन्छन् ।
कोइरालाको पहिलो कार्यकालमा माछापुच्छ्रे बैंक वित्तीय सूचकांकमा उल्लेख्य सुधार गर्दै डिजिटल प्रविधिमा फड्को मार्नुका साथै संस्थागत सुशासनमा अब्बल सावित हुन सफल भएको छ ।
