काठमाडौँ। सिटिजन्स क्यापिटलको १८औँ वार्षिक साधारण सभा सम्पन्न भएको छ । आज काठमाण्डौको ज्ञानेश्वरमा रहेको एटिक मिटिङ हलमा उक्त सभा सम्पन्न भएको हो ।
कम्पनीको सभाले आव २०८०/८१ को मुनाफाबाट १५.५० प्रतिशत नगद लाभांश बाँड्ने प्रस्ताव पारित गरेको छ ।
यस्तै आव २०८०-८१ को सञ्चालक समितिको वार्षिक प्रतिवेदन, लेखा परीक्षकको प्रतिवेदनसहित २०८१ असार मसान्तको वासलात, नाफा नोक्सानीको हिसाब, नगद प्रवाह विवरण लगायतका वित्तीय विवरणहरू पारित भएको छ ।
साथै, आ.व.२०८१ /८२ को लागि लेखा परीक्षण कार्य गर्नका लागि लेखा परीक्षकको नियुक्ति र निजको पारिश्रमिक निर्धारण, कम्पनीको नियमावली अनुसार गरिएको सञ्चालकको नियुक्ति अनुमोदन र सञ्चालकहरूको बैठक भत्ता परिमार्जन गरिएको छ ।
