काठमाडौँ। नेपाली बजारमा पछिल्लो तीन कारोबारका दिन सुनको मूल्यमा निरन्तर वृद्धि भएको छ । जस अनुसार आज बिहीबारका दिन समेत नेपाली बजारमा सुनको मूल्य ५ सय रुपैयाँले वृद्धि भएको छ ।
अघिल्लो दिन १४ सय रुपैयाँले बढेको सुनको मूल्य आज प्रतितोला ५ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ५१ हजार ५ सय रुपैयाँमा कारोबार भएको छ ।
बुधवारका दिन सुनको मूल्य प्रतितोला १ लाख ५१ हजार रुपैयाँमा कारोबार भएको थियो। आज चाँदीको भाउ समेत बढेको छ । चाँदीको मूल्य आज २५ रुपैयाँले बढ्दै १ हजार ७९० रुपैयाँमा कारोबार भइरहेको महासंघले जनाएको छ ।
