काठमाडौं । औद्योगिक व्यवसाय विकास प्रतिष्ठानले नव प्रवर्धन (स्टार्टअप) उद्यम कर्जाको लागि परियोजना प्रस्ताव पेश गर्न आव्हान गरेको छ ।
आज शुक्रबारका दिन एक सूचना सार्वजनिक गर्दै परियोजनाले प्रस्ताव पेश गर्न आह्वान गरेको हो । सरकारले स्टार्टअप उद्यममा सहुलियतपूर्ण कर्जा दिने कार्यविधि ल्याएको छ। तर, आर्थिक वर्ष ०७६र७७ को बजेटदेखि निरन्तर स्टार्टअपलाई रकम दिने भने पनि अहिलेसम्म कार्यान्वयन हुन सकिरहेको छैन ।
शुक्रबार जारी भइको सूचनामा स्टार्टअप उद्यमका मापदण्डहरू पुरा गरेका तोकिएको क्षेत्रका नवीनतम ज्ञान, सोच, सीप र क्षमता भएका स्टार्टअप उद्यमीले यस्तो कर्जा लिन सक्ने उल्लेख गरिएको छ । यस्तो कर्जा लिन चाहनेले सूचना प्रकाशित भएको २१ दिन भित्र तोकिएको ढाँचामा प्रस्ताव पेश गर्नुपर्ने प्रतिष्ठानले जनाएको छ।
