काठमाडौं । दिवा खाजा कार्यक्रमको लागि सरकारले रकम वृद्धि गरेको छ। अर्थमन्त्री विष्णुप्रसाद पौडेलले आर्थिक वर्ष २०८२/०८३ को बजेट प्रस्तुत गर्दै (कक्षा ५ सम्मको) दिवा खाजा कार्यक्रमको लागि १० अर्ब १९ करोड विनियोजन गरेको घोषणा गरे।
यसबाट १८ लाख विद्यार्थीहरू लाभान्वित हुने उनले बताए। गत वर्ष सरकारले दिवा खाजा कार्यक्रमका लागि ८ अर्ब ३९ करोड मात्रै विनियोजन गरेको थियो।
यस्तै,अर्थमन्त्री पौडेलले निःशुल्क स्यानेटरी प्याड वितरणको लागि एक अर्ब २९ करोड बजेट विनियोजन गरिएको जानकारी दिए। यसबाट १३ लाख छात्राहरु लाभान्वित हुने उनको भनाइ छ।
