काठमाडौँ । पेट्रोलियम पदार्थको भाउ घटेको छ । नेपाल आयल निगम लिमिटेडले आज राति १२ बजेदेखि लागू हुने गरी पेट्रोल, डिजेल र मट्टितेलको मूल्य घटाएको हो ।
निगमका अनुसार साविकको मूल्यमा पेट्रोलमा प्रतिलिटर ७ रुपैयाँ ५० पैसा, डिजेलमा ६ रुपैयाँ र मट्टीतेलमा प्रतिलिटर ५ रुपैयाँले घटाइएको छ ।
इन्डियन आयल कर्पोरेसन लिमिटेडले १६ तारिखमा पठाएको नयाँ मूल्यसूचीका आधारमा सोमबार बसेको निगम सञ्चालक समितिको बैठकले मूल्य घटाउने निर्णय गरेको निगमले जनाएको छ ।
योसँगै प्रतिलिटर १७५ रुपैयाँमा बिक्री भइरहेको पेट्रोलको मूल्य १६७.५० रुपैयाँमा झरेको छ । यस्तै, डिजेल र मट्टीतेल समान १४७.५० पैसामा झरेको छ । घटेको मूल्य आज राति १२ बजेदेखि नै लागू हुनेछ ।
