काठमाण्डौ। बैंकिङ प्रणालीमा अधिक तरलता थपिनेक्रम नरोकिएपछि नेपाल राष्ट्र बैंकले आज पुनः ३० अर्ब रुपैयाँ खिच्ने भएको छ ।
केन्द्रीय बैंकले तरलता व्यवस्थापनको अल्पकालिन उपकरण निक्षेप संकलन मार्फत उक्त रकम झिक्न लागेको हो। अनलाइन बिडिङ सिस्टममार्फत आज मध्यान्ह ३ बजेबाट बोलकबोल हुने राष्ट्र बैंकले जनाएको छ।
इच्छुक बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्मका लागि आवेदन दिन सक्नेछन्।
राष्ट्र बैंकले २१ दिनका लागि उक्त रकम झिक्न लागेको हो। जसको साँवा तथा ब्याज भुक्तानी वैशाख ३ गते हुनेछ। निक्षेप संकलनमा नेपाल राष्ट्र बैंकबाट इजाजत प्राप्त क,ख र ग वर्गका बैंक तथा वित्तीय संस्थाले सहभागिता जनाउन सक्नेछन्।
