काठमाडौं । नेपालमा सञ्चालित जीवन बीमा कम्पनीहरूको बीमा व्यवसायले गत आर्थिक वर्ष २०८२/८३ मा दोहोरो अंकको वृद्धि गरेको छ । १४ वटा जीवन बीमा कम्पनीले सार्वजनिक गरेको वित्तीय विवरणअनुसार उक्त अवधिमा कुल २ खर्ब २ अर्ब ६९ करोड ३९ लाख ३ हजार रुपैयाँ बीमा शुल्क आर्जन गरेका छन् ।
यो रकम अघिल्लो आर्थिक वर्ष २०८१/८२ को तुलनामा १२.७३ प्रतिशतले बढी हो ।
कुल बीमा शुल्क आर्जनमा नेपाल लाइफ इन्स्योरेन्स सबैभन्दा अगाडि रहेको छ । कम्पनीले गत आर्थिक वर्षमा ५४ अर्ब ३ करोड ४२ लाख ९४ हजार रुपैयाँ बीमा शुल्क आर्जन गरेको छ । अघिल्लो वर्षको ४८ अर्ब २० करोड २ लाख १ हजार रुपैयाँको तुलनामा कम्पनीको व्यवसाय १२.१० प्रतिशतले बढेको हो ।
दोस्रो स्थानमा रहेको नेशनल लाइफ इन्स्योरेन्सले २४ अर्ब ८४ करोड ६६ लाख ५९ हजार रुपैयाँ बीमा शुल्क आर्जन गरेको छ । कम्पनीको बीमा शुल्क अघिल्लो वर्षको २१ अर्ब ८२ करोड २२ लाख १७ हजार रुपैयाँबाट १३.८६ प्रतिशतले वृद्धि भएको छ ।
लाइफ इन्स्योरेन्स कर्पोरेसन नेपालले २१ अर्ब २४ करोड ८८ लाख ८४ हजार रुपैयाँ बीमा शुल्क आर्जन गरेको छ । अघिल्लो वर्ष १९ अर्ब ९३ करोड ८३ लाख ५ हजार रुपैयाँ रहेको कम्पनीको बीमा व्यवसाय ६.५७ प्रतिशतले बढेको हो ।
हिमालयन लाइफ इन्स्योरेन्सले १८ अर्ब ६९ करोड १६ लाख ३२ हजार रुपैयाँ बीमा शुल्क आर्जन गरेको छ । अघिल्लो वर्षको १७ अर्ब ६६ करोड ८ लाख १७ हजार रुपैयाँको तुलनामा कम्पनीको व्यवसाय ५.८४ प्रतिशतले वृद्धि भएको छ ।
सूर्यज्योति लाइफ इन्स्योरेन्सले १३ अर्ब १६ करोड ४७ लाख ५५ हजार रुपैयाँ बीमा शुल्क आर्जन गरेको छ । अघिल्लो वर्ष ११ अर्ब ३५ करोड ५१ लाख ४२ हजार रुपैयाँ रहेको बीमा शुल्क १५.९४ प्रतिशतले बढेको हो ।
एशियन लाइफ इन्स्योरेन्सले १० अर्ब ६४ करोड ३७ लाख १६ हजार रुपैयाँ बीमा शुल्क आर्जन गरेको छ । कम्पनीको बीमा व्यवसाय अघिल्लो वर्षको ९ अर्ब ४० करोड ८६ लाख २८ हजार रुपैयाँबाट १३.१३ प्रतिशतले बढेको छ ।
राष्ट्रिय जीवन बीमा कम्पनीले ९ अर्ब ७७ करोड ३१ लाख ४८ हजार रुपैयाँ बीमा शुल्क आर्जन गरेको छ । अघिल्लो वर्ष ९ अर्ब ६३ करोड ७७ लाख १० हजार रुपैयाँ रहेको कम्पनीको व्यवसाय १.४१ प्रतिशतले मात्रै बढेको छ । यो १४ कम्पनीमध्ये सबैभन्दा कम वृद्धिदर हो ।
सिटिजन लाइफ इन्स्योरेन्सले ९ अर्ब ३७ करोड ४१ लाख १० हजार रुपैयाँ बीमा शुल्क आर्जन गरेको छ । अघिल्लो वर्षको ७ अर्ब ५४ करोड ८१ लाख ९० हजार रुपैयाँको तुलनामा कम्पनीको व्यवसाय २४.१९ प्रतिशतले बढेको हो । वृद्धिदरका आधारमा सिटिजन लाइफ दोस्रो स्थानमा रहेको छ ।
सानिमा रिलायन्स लाइफ इन्स्योरेन्सले ८ अर्ब ९ करोड ६ लाख ३ हजार रुपैयाँ बीमा शुल्क आर्जन गरेको छ । अघिल्लो वर्षको ७ अर्ब ५ करोड ३६ लाख ८६ हजार रुपैयाँको तुलनामा कम्पनीको बीमा व्यवसाय १५.४९ प्रतिशतले वृद्धि भएको छ ।
वृद्धिदरका आधारमा आइएमई लाइफ इन्स्योरेन्स सबैभन्दा अगाडि देखिएको छ । कम्पनीले गत आर्थिक वर्षमा ७ अर्ब ७३ करोड ६९ लाख ४७ हजार रुपैयाँ बीमा शुल्क आर्जन गरेको छ, जुन अघिल्लो वर्षको ५ अर्ब ६५ करोड २५ लाख ७३ हजार रुपैयाँको तुलनामा ३६.८७ प्रतिशतले बढी हो ।
मेट लाइफ इन्स्योरेन्सले ६ अर्ब ८६ करोड ३ लाख २६ हजार रुपैयाँ बीमा शुल्क आर्जन गरेको छ । अघिल्लो वर्ष ६ अर्ब २५ करोड ८३ लाख ८६ हजार रुपैयाँ रहेको कम्पनीको व्यवसाय ९.६२ प्रतिशतले बढेको छ ।
रिलायबल नेपाल लाइफ इन्स्योरेन्सले ६ अर्ब ६३ करोड ४१ लाख ९७ हजार रुपैयाँ बीमा शुल्क आर्जन गरेको छ । अघिल्लो वर्षको ५ अर्ब ३९ करोड ९९ लाख ६१ हजार रुपैयाँको तुलनामा कम्पनीको बीमा व्यवसाय २२.८६ प्रतिशतले वृद्धि भएको हो ।
प्रभु महालक्ष्मी लाइफ इन्स्योरेन्सले ६ अर्ब ४९ करोड ८४ लाख ३४ हजार रुपैयाँ बीमा शुल्क आर्जन गरेको छ । अघिल्लो वर्षको ५ अर्ब ३७ करोड ३३ लाख ३३ हजार रुपैयाँबाट कम्पनीको बीमा शुल्क २०.९४ प्रतिशतले बढेको छ ।
सन नेपाल लाइफ इन्स्योरेन्सले ५ अर्ब ९ करोड ६ लाख ९८ हजार रुपैयाँ बीमा शुल्क आर्जन गरेको छ । अघिल्लो आर्थिक वर्षको ४ अर्ब ५३ करोड ९३ लाख ६६ हजार रुपैयाँको तुलनामा कम्पनीको व्यवसाय १२.२७ प्रतिशतले बढेको छ ।
समग्रमा जीवन बीमा कम्पनीहरूको व्यवसाय विस्तार भए पनि कम्पनीहरूबीचको वृद्धिदरमा भने ठूलो अन्तर देखिएको छ । बीमा शुल्कको आकारमा नेपाल लाइफ अग्रस्थानमा रहँदा व्यवसाय वृद्धिको गतिमा भने आइएमई लाइफ सबैभन्दा अगाडि देखिएको छ ।
