काठमाडौँ। विश्वभर सूचना प्रविधिको विकास तीब्र गतिमा भइरहेको छ। मोबाइल, इन्टरनेट, अनलाइन सेवा र डिजिटल उपकरणले हाम्रो दैनिक जीवनलाई सहज बनाएको छ। तर, सूचना प्रविधिको व्यापक प्रयोगसँगै साइबर अपराध, डाटा चोरी, ह्याकिङ र अन्य डिजिटल जोखिम पनि बढ्दै गएका छन्।
नेपालमा पनि सरकारी, निजी र व्यक्तिगत स्तरसम्म डिजिटल सेवा बढ्दै गइरहेको छ।
अन्तरवार्ता हेर्नुहोस् :
https://www.youtube.com/watch?v=jSIOqSH2eSg
प्रवक्ता अवस्थीले साइबर अपराधका घटनाको सिकार आम सर्वसाधारणदेखि लिएर उच्च पदस्थ अधिकारीसम्म भएको जिकिर गरे । नेपालमा साइबर सूचना प्रविधि सम्बन्धी जोेखिम न्युनीकरण गर्न एक्लो निकायको प्रयासले सम्भव नरहेको उनको भनाइ छ ।
उनले साइबर अपराध सम्बन्धी एकीकृत कानुनको अभाव रहनुृ, विभिन्न निकाय बीचको समन्वय कमजोर रहनु, प्राविधिक चुनौती , हदम्यादका चुनौती लगायतका कारणले अनुसन्धानमा चुनौती रहेकोप्रति सरकार र अन्य सरोकारवालाहरुको प्रयाप्त ध्यान केन्द्रीत नभएकोप्रति दुख व्यक्त गरे ।
सूचना प्रविधिको व्यापक विस्तार भइरहेको वर्तमान समयमा साइबर सचेतनालाई पाठ्यक्रममै समावेश गर्नुपर्ने बेला आइसकेको र सरकारले पनि साइबर सुरक्षाका विषयहरुलाई प्राथमिकता दिनुपर्नेमा प्रवक्ता अवस्थीले जोड दिए।
