काठमाडौं । भारतका मुख्य निर्वाचन आयुक्त ज्ञानेश कुमारको राजीनामा माग्दै दिल्लीको जन्तरमन्तरमा भएको प्रदर्शनका क्रममा प्रहरीले ७०० भन्दा बढीलाई हिरासतमा लिएको छ।
कक्रोच जनता पार्टी (सीजेपी)ले सुरु गरेको प्रदर्शनमा विद्यार्थी तथा विभिन्न विपक्षी दलका नेता–कार्यकर्ता सहभागी भएका थिए। प्रदर्शनकारीहरूले निर्वाचन आयोगको कामकारबाही र मतदाता नामावली पुनरावलोकन प्रक्रियामाथि प्रश्न उठाउँदै कुमारको राजीनामा मागेका छन्।
भारतीय सञ्चारमाध्यमका अनुसार हिरासतमा पर्नेमा आम आदमी पार्टीकी नेता तथा दिल्लीकी पूर्वमुख्यमन्त्री आतिशी, पूर्वमन्त्री सौरभ भारद्वाज, राष्ट्रिय जनता दलका सांसद मनोज झा तथा भारतीय कम्युनिस्ट नेता एमए बेबीसमेत छन्।
प्रहरीले जन्तरमन्तर क्षेत्रमा प्रदर्शन नियन्त्रणमा लिने क्रममा उनीहरूलाई हिरासतमा लिएको जनाइएको छ।
