काठमाडौं । ओखलढुंगाको चिशंखुगढी गाँउपालिकाका एक जोडीले छोराको पास्नीमा बीमा पोलिसी उपहार दिएका छन् । जिल्लाको चिशंखुगढी गाँउपालिका वडा नं ३ दियालेका बुबा टिकाराम भुजेल र आमा सपना भुजेलले छोरा समिट भुजेलको नाममा ५ लाख बीमाङ्कको बीमा पोलिसी उपहार दिएका हुन् ।
जन्मदिन,पास्नी लगायतका अवसरमा बीमा पोलिसी उपहार दिने चलन बढीरहेको बेला आफ्ना छोरा समिट भुजेललाई पास्नीको अवसर पारेर प्रभु महालक्ष्मी लाइफ इन्स्योरेन्स ओखलढुंगा उपशाखाबाट ५ लाख बिमाङ्कको सुनौलो किरण बीमा योजनाको पोलिसी उपहार दिएको उपशाखा प्रमुख सुमन भट्टराई बताए ।
भविष्यमा हुन सक्ने जोखिम र छोराको शिक्षादिक्षालाई आर्थिक सुनिश्चित गर्नका लागि बिमा गरेको बीमितका बुवा टिकाराम भुजेलले बताए ।
बीमाको बारेमा ग्रामिण क्षेत्रका नागरिकहरुमा चेतना भए सगै बीमा प्रति चासो राख्न थालेको भट्टराईको भनाई छ ।
