काठमाडाैं । लाइफ इन्स्योरेन्स कर्पोरेसन (एलआईसी) नेपालले हकप्रद सेयर निष्कासन गर्ने भएकाे छ । कम्पनीले हकप्रद सेयर निष्कासनका लागि नेपाल धितोपत्र बोर्ड (सेबोन)मा निवेदन दिएको हाे ।
लामो समयसम्म हकप्रद निष्कासनको प्रक्रियामा अल्झिएको एलआईसी नेपालले सेबोनमा निवेदन पेस गरेको हो । कम्पनीले हिजोमात्रै निवेदन पेस गरेको छ ।
कम्पनीले कायम चुक्तापुँजी २ अर्ब ६५ करोड ३२ लाख रुपैयाँको ८८.४८ प्रतिशतले हुने अर्थात् १ः०.८८ अनुपातमा हुन आउने २ अर्ब ३४ करोड ६८ लाख रुपैयाँबराबरको २ करोड ३४ लाख ६८ हजार कित्ता हकप्रद सेयर निष्कासनका लागि सेबोनमा निवेदन दिएको छ । कम्पनीले यसअघि डकुमेन्ट प्रोसेसमा ढिलाइ भएको बताउँदै सेबोनमा निवेदन पेस गर्न नसकेको बताएको थियो ।
