काठमाडौं । नेपाल लाइफ इन्स्योरेन्स लिमिटेडको प्रमुख कार्यकारी अधिकृत (सीईओ) पदमा प्रवीण रमण पराजुलीलाई पुनः नियुक्त गरिएको छ। कम्पनीको जेठ २९ गते बसेको सञ्चालक समितिको ४१७औँ बैठकले उनलाई थप चार वर्षका लागि सीईओको जिम्मेवारी निरन्तरता दिने निर्णय गरेको हो।
हाल पनि सोही पदमा कार्यरत पराजुलीको नेतृत्वमा कम्पनीले जीवन बीमा व्यवसाय विस्तार, सेवा गुणस्तर सुधार र संस्थागत क्षमता मजबुत बनाउन महत्वपूर्ण उपलब्धि हासिल गरेको कम्पनीले जनाएको छ।
दीर्घ अनुभव र व्यवस्थापकीय क्षमताका कारण परिचित पराजुलीले अब अर्को कार्यकालसम्म नेपालको अग्रणी जीवन बीमा कम्पनीमध्ये एक Nepal Life Insurance को नेतृत्व सम्हाल्नेछन्।
