काठमाडौँ । अष्ट्रेलियामा गोलो आकारको अण्डा भेटिएको छ । अष्ट्रेलियाको एक सुपरमार्केटमा गोलो आकारको अण्डा भेटिएको हाे ।
एक महिलाले फिसरम्यान बेन्डको बुलवर्थ सुपरमार्केटमा किनेको अण्डाको क्यारेटमा एक गोलाकार अण्डा भेटिएको हो । अण्डा भेटिएपछि उनले उक्त अण्डासहितको भिडिओ इन्स्टाग्राममा राखिन् र गुगलमा खोजेर हेर्दा यस प्रकारको अण्डा भेटिनु एकदमै दुर्लभ भएकाे उनले थाहा पाइन् ।
इन्स्टाग्राममा उक्त भिडिओ हालसम्म २ लाख जनाले हेरिसकेका छन् । अण्डा गोलो हुने सम्भावना १ अर्ब अण्डामा एउटा मात्रै हुन्छ ।
भेटिएको उक्त गोलो आकारको अण्डा पछि १४ सय अमेरिकी डलर (नेपाली करिब रु १ लाख ८३ हजार ६०० रुपैयाँ)मा बिक्री भएको छ।
