काठमाडौं । गिरिजा प्रसाद कोइराला फाउन्डेसनले काठमाडौंको गुह्येश्वरी स्थित बाढीपीडित सुकुमवासीको बस्तीमा निःशुल्क स्वास्थ्य शिविरको आयोजना गरेको छ ।
माननीय डा. सुनिल कुमार शर्मा नेतृत्वको के.एम.सी.
अस्पतालको टोली काठमाडौंको गुह्येश्वरी स्थित बाढीपीडित सुकुमवासीको बस्तीमा पुगेको हो । गुह्येश्वरी मा.वि.को प्राङ्गणमा आयोजना भएको उक्त स्वास्थ्य शिविरमा कम्तीमा पनि २५५ जना बिरामीको उपचार गरिएको छ । बिहान १० बजे देखी आयोजना भएको उक्त शिविर दिउँसो ३ बजेसम्म सञ्चालन भएको थियो ।
जनरल मेडिकल, प्रसूति तथा स्त्री रोग, नशा, शल्यक्रिया, छाला रोग, हाड जोर्नी तथा नसा, नाक कान घाँटी रोका साथै आँखा र दन्त रोगको समेत उपचार सेवा दिइएको स्वास्थ्य शिविर आयोजकले जनाएको छ । यसका साथै स्वास्थ्य शिविरमा चिकित्सकको सिफारिसमा इसीजी, ल्यावटेस्ट र भिडियो एक्सरे सेवा समेत प्रदान गरिएको थियो ।
