काठमाडौँ । कीर्तिपुर नगरपालिका-९ बस्ने काभ्रे तेमाल गाउँपालिका-९ घर भएका ६३ वर्षीय धन बहादुर तामाङको टहरोमा जुवातास खेलिरहेको अवस्थामा धन बहादुर समेत ९ जनालाई मंगलबार साँझ प्रहरीले पक्राउ गरेको छ ।
प्रहरी वृत्त कीर्तिपुरबाट खटिएको प्रहरीले उनीहरूलाई नेपाली ३४ हजार २ सय १५ रुपैयाँ, कम्बोडियन २ हजार रियाल, कतारी ८ रियाल, मलेसियन २ रिङ्गिट, भारतीय २० रुपैयाँ र ६ बुक ताससहित पक्राउ गरेको हो ।
