काठमाडौँ । मिटरब्याज पीडितहरूले आइतबार काठमाडौंमा विरोध प्रदर्शन गरेका छन् । मिटरब्याजविरुद्धको कानुन पारित गर्न माग गर्दै पीडितहरूले काठमाडौंमा विरोध प्रदर्शन गरेका हुन् ।
उनिहरूले आइतबार संसद घेराउ समेत गरेका छन् । पीडितहरूले काठमाडौंको माइतीघरदेखि प्रदर्शन गर्दै नयाँ बानेश्वरस्थित संसद भवनसम्म पुगेका हुन् ।
पछिल्लो समय मिटरब्याज पीडितविरुद्धको कानुन पारित गराउने तयारी भइरहेका बेला पीडितहरूले दबाब बढाएका हुन् ।
प्रमुख प्रतिपक्षी दल नेकपा एमालेले गरेको संसद अवरोधका कारण कानुन पारित हुन सकेको छैन ।
