काठमाडौँ । नेपाल चेम्बर अफ कमर्सका निर्वतमान अध्यक्ष राजेन्द्र मल्लले रेमिट्यान्सलाई उत्पादनमुखी बनाउने नीति योजना तर्जुमा गर्नुपर्ने बताएका छन्।
राष्ट्रिय विकास परिषद्को बैठकलाई सम्बोधन गर्दै मल्लले रेमिट्यान्सबाट आएको रकमलाई उत्पादनमुखी र विदेशबाट फर्किएका युवाको सीपलाई सदुपयोग हुने खालको नीति एवं योजना बन्नुपर्ने आजको आवश्यकता रहेको बताएका छन् ।
निर्वतमान अध्यक्ष मल्लले भने 'रेमिट्यान्सको पैसा ९० प्रतिशत सम्म उपभोगमा नै खर्च भइरहेको छ, विदेशबाट भित्रिएको रकमलाई उत्पादमुलक क्षेत्रमा सदुपयोग गरेर राष्ट्रिय अर्थतन्त्र बलियो बनाऊ। '
फरक प्रसङ्गमा बोल्दै निर्वतमान अध्यक्ष मल्लले भने '१६ औँ पञ्चवर्षीय योजना, सरकारको बजेट एवं मौद्रिक नीतिबिच पनि प्रभावकारी समन्वय हुनुपर्छ' ।
निर्वतमान अध्यक्ष मल्लले आगामी बजेट बस्तुपरक र खर्च गर्न सक्ने क्षमताको ल्याउन समेत सरकारलाई सुझाव दिए । श्रोत सुनिश्चित गरेर मात्रै बजेट बनाउनुपर्ने उनले बताए। बजेटलाई वितरणमुखी भन्दा पनि उत्पादनमुखी बनाउन आवश्यक रहेको मल्लको भनाई छ।
