काठमाडौँ । नवनियुक्त स्वास्थ्य तथा जनसङ्ख्या मन्त्री प्रदीप पौडेलले स्वास्थ्य बिमाभित्र सबै नेपालीलाई समेट्ने गरी मन्त्रालयले काम गर्ने बताएका छन्।
सोमबार पदभार ग्रहणपछि पत्रकारहरूसँग कुराकानी गर्दै मन्त्री पौडेलले जनताका लागि स(साना काम समेत व्यवस्थित तरिकाबाट गर्ने बताएका छन् ।
‘स्वास्थ्य मन्त्रालयलाई कसरी राम्रो गर्ने त्यतातर्फ म लाग्छु, मन्त्रालय सुधार्न के गर्न सकिन्छ भन्नुहोला,’ उनले भने, ‘यहाँ ठुला कुरा गर्न गारो होला, तर साना साना काम गर्छु।’
‘मन्त्रालयले बिमासम्बन्धी काम पनि सुरू गरिसकेको छ।
साथै मन्त्री पौडेलले काम गरेर देखाउन नसकेसम्म खादा र माला नलगाउने पनि प्रतिबद्धता गरेका छन् । उनले नेपालको स्वास्थ्य सेवामा आम नागरिकले सहजता अनुभव हुने गरी काम बताए। साथै संघीय सरकार मातहत रहेका सरकारी अस्पतालका सेवा व्यवस्थित गरिने उनको भनाई छ ।
