काठमाडौं। कारागार कार्यालय नख्खुमा निर्मित विपश्यना केन्द्र 'धम्मासय'को उपप्रधान एवं गृहमन्त्री नारायणकाजी श्रेष्ठले उद्घाटन गरेका छन्।
कारागार कार्यालय नख्खु र नेपाल विपश्यना केन्द्र धर्मश्रृङ्ग काठमाडौँद्वारा आयोजित कार्यक्रममार्फत ४८ कैदी बन्दीहरूका लागि १२ दिनसम्म ध्यान शिविर सञ्चालन गरिने भएको छ।
योसँगै नेपाल विपश्यना केन्द्रले देशभरि १९ वटा ध्यान केन्द्र निर्माण गरेको छ । नख्खु कारागार ध्यान केन्द्र तीन महिनाको तयारीपछि सञ्चालनमा आएको हो।
आफूलाई फेर्ने, स्वजागृति हुने र समाज रूपान्तरण गर्ने चिन्तन ध्यानबाटै प्राप्त हुने उनले बताए । अग्रज रुपचन्द्र विष्टले आफूसँगको कुराकानीमा मानिसहरू सिद्धार्थ गौतम नबनी एकैचोटी बुद्ध बन्न खोजेको बताएको स्मरण गर्दै उपप्रधानमन्त्री श्रेष्ठले आफूलाई बदलेर मात्रै बुद्ध बन्न सकिने बताए ।
कैदी बन्दीहरूलाई सम्बोधन गर्दै उनले भने ुएकपटक गल्ती गर्नुभयो, अपराध गर्नुभयो। ध्यानले अब म असल बन्छु, फेरिन्छु, बदलिन्छु भन्ने सोच तपाईँहरू आउनेछु, उनले भने ।
