काठमाडौँ । अख्तियार दुरुपयोग अनुसन्धान अयोगले राष्ट्रिय जनस्वास्थ्य प्रयोगशाला टेकुका मेडिकल ल्याब टेक्नोलोजिष्ट लेखनाथ भट्टराईविरुद्ध विशेष अदालतमा भ्रष्टाचार मुद्दा दायर भएको छ । अख्तियारले बिहीबार विशेषमा मुद्दा दायर गरेको हो ।
भट्टराईले ल्याब दर्ता प्रक्रिया अगाडि बढाउन सहजीकरण गरिदिने भनी सेवाग्राहीसँग ५० हजार रुपैँया घुस लिएको आयोगको अनुसन्धानबाट खुलेको छ ।
आयोगका प्रवक्ता भोला दाहालका अनुसार भट्टराईविरुद्ध भ्रष्टाचार निवारण ऐन, २०५९ को दफा ३ को उपदफा (१) को कसुरमा बिगो र कैद सजायको मागदावी लिएर विशेषमा मुद्दा दायर गरिएको हो ।
आरोपी भट्टराईलाई बिगो बमोजिम कारबाहीको माग गर्दै आज मुद्दा दर्ता गरिएको हाे ।
