काठमाडौँ । नेपाल स्टक एक्सचेन्ज नेप्सेमा बुङ्गल हाइड्रो लिमिटेडको शेयर सूचीकृत भएको छ। आइतबार कम्पनीको ८३ लाख कित्ता शेयर नेप्सेमा सूचीकृत भएको हो ।
शेयर सूचीकृत भएलगतै सोमबारबाट कम्पनीको शेयर कारोबार सुरु हुने भएको छ । सोमबारको स्पेसल प्रि ओपन सेसनमा कम्पनीको पहिलो कारोबार हुने छ।
बुङ्गल हाइड्रो लिमिटेडले सर्वसाधारणलाई निष्काशन गरेको आईपीओ गत असोज २ गते बिहीबार बाँडफाँड भएको थियो । गत भदौ १६ गतेदेखि भदौ १९ गतेसम्म उक्त कम्पनीले आम सर्वसाधारणलाई १७ लाख १ हजार ५ सय कित्ता शेयर निष्काशन गरेको थियो।
यस कम्पनीले बझांगमा १०.७ मेगावाट क्षमताको सानीगाड जलविद्युत आयोजना निर्माण सम्पन्न गरि २०८० भदौ २ गतेदेखि व्यापारिक उत्पादन गरिरहेको छ । यस कम्पनीका अध्यक्ष शिव प्रसाद घिमिरे हुन् । कम्पनीको अन्य संचालकमा राजेश कुमार श्रेष्ठ, खगेश्वर बोहोरा, विरेन्द्र बहादुर मल्ल लगायत छन् भने बुङ्गल हाइड्रो लिमिटेड एसजी ग्रुप अन्तर्गतको कम्पनी हो ।
