काठमाडौं । हिमाल दोलखा हाइड्रोपावर कम्पनी लिमिटेडले सोमवारदेखि हकप्रद शेयर निष्कासन गरेको छ । कम्पनीले हाल कायम चुक्तापूँजी १ अर्ब २० करोड रुपैयाँको आधारमा १ बराबर शून्य दशमलव ७५ अनुपातमा हकप्रद शेयर निष्कासन गरेको हो ।
कम्पनीले प्रतिशेयर रू. १०० अंकित मूल्यको १ करोड २० लाख कित्ता हकप्रद शेयर विक्री खुला गरेको हो ।
बुक क्लोजको आधारमा वैशाख २६ गतेसम्म कायम शेयरधनीहरूले मात्र उक्त हकप्रद शेयरमा आवेदन पाउने छन् । योग्य आवेदनहरूले असार १० गतेसम्म आवेदन दिन सक्नेछन् ।
यसका साथै नेपाल धितोपत्र बोर्डबाट अनुमति प्राप्त सम्पूर्ण सि–आस्बा सेवामा सहभागी सम्पूर्ण बैंक तथा वित्तीय संस्था र तीनका सम्पूर्ण शाखामार्फत आवेदन दिन सक्नेछन् ।
हाल कम्पनीको चुक्तापूँजी रू.१ अर्ब ६० करोड रहेको छ ।कम्पनीले हाल ४ दशमलव ५ मेगावाट क्षमताको माई खोला साना जलविद्युत आयोजना र ८ मेगावाट क्षमताको माई साना क्यासकेड जलविद्युत आयोजना सञ्चालन गरिरहेको छ ।
