अख्तियार दुरुपयोग अनुसन्धान आयोगले पूर्वसभामुख कृष्णबहादुर महराको बयान लिएको छ। भेपबाट सुन तस्करी गर्ने समूहसँग निकटता देखिएपछि आयोगले बिहीबार उनीसँग बयान लिएको हो । उनीसँग् ५–६ घन्टा बयान भएको आयोग स्रोत बताउँछ ।
उनले विमानस्थल भन्सारका तत्कालिन प्रमुख अरुण पोखरेललाई सुन रहेको भेप छुटाउन दबाब दिएको खुलेको थियो । जून विषयमा यसअघि प्रहरीको केन्द्रीय अनुसन्धान ब्यूरोले पनि उनलाई पक्राउ गरी बयान लिएको थियो ।
तर, छुटाउन दबाब दिएपनि मिलेमतोको प्रमाण जुटाउन नसकेपछि मुद्दा चलाउन सकेको थिएन । उनका छोरा राहुल भने सो मुद्दामा दोषी ठहर भई सजाय भुक्तान गरी छुटिसकेका छन्।
