काठमाण्डौ। बैंक तथा वित्तीय संस्थामा अधिक तरलता थुप्रिनेक्रम नरोकिएपछि नेपाल राष्ट्र बैंकले आज फेरि बैंकिङ प्रणालीबाट ३५ अर्ब रुपैयाँ झिक्न लागेको छ।
केन्द्रीय बैंकले तरलता व्यवस्थापनको आपतकालीन उपकरण निक्षेप संकलनमार्फत २१ दिनका लागि उक्त रकम झिक्न लागेको हो। राष्ट्र बैंकले अनलाइन बिडिङ सिस्टममार्फत आज मध्यान्ह ३ बजेबाट अनलाइन बिडिङमार्फत बोलकबोल गर्न सकिने जनाएको छ ।
इच्छुक बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्मका लागि आवेदन दिन सक्नेछन् ।
यसको साँवा तथा ब्याज भुक्तानी वैशाख ३१ गते हुनेछ ।
निक्षेप संकलनमा नेपाल राष्ट्र बैंकबाट इजाजत प्राप्त क,ख र ग वर्गका बैंक तथा वित्तीय संस्थाले सहभागिता जनाउन सक्नेछन् । राष्ट्र बैंकले नियमित रुपमा आइतबार र बुधबार बजारबाट पैसा झिक्दै आएको छ ।
