काठमाडौँ । पछिल्लो समय संयुक्त राज्य अमेरिकामा घरबार विहीन बन्नेको संख्यामा उच्च वृद्धि भएको छ । जो बाइडन प्रशासनको एक नयाँ रिपोर्टका अनुसार यस्तो संख्यामा तीव्र वृद्धि आएको हो ।
देशमा करिब २० वर्षअघि संघीय सरकारले यस विषयमा रेकर्ड राख्न सुरु गरेको थियो। सन् २०२४ को जनवरीमा एकै रातमा करिब सात लाख ७२ हजार मानिस घरबारविहीन भएका देखिएको छ , जुन अघिल्लो वर्षको तुलनामा भने १८ प्रतिशतले बढी हो।
ब्लुमबर्ग न्यूजले सरकारी प्रतिवेदनलाई उद्धृत गर्दै भनेको छ– ‘यो संख्या सन् २०२३ को तुलनामा ३९ प्रतिशतले वृद्धि भएको र यसमध्ये ८० हजारभन्दा बढी बालबालिका भएका परिवार रहेका छन् ।’
जनवरीमा न्युयोर्क शहर, डेनभर, सिकागो र अन्य सहरहरूमा आप्रवासीहरूको आगमनले आश्रय प्रणालीलाई संकटमा पार्दा पारिवारिक बेघर वा आश्रयविहीन जनसङ्ख्याको यो वृद्धि, लगभग ७ प्रतिशतले बढेको छ ।
सीमा हुने कमजोर सुरक्षाको कारण आप्रवासीहरूको प्रवेश बढेको र यसरी आएका आप्रवासी दक्ष र यसका कारण उनीहरू बेरोजगार बन्ने र घरबार विहीन हुने क्रम बढ्ने गरेको छ। यसबाहेक दुर्व्यसनीका कारण पनि अमेरिकीहरूले आफ्नो आश्रय स्थल गुमाउँदा घरबार विहीन बन्ने गरेको रिपोर्टमा उल्लेख गरिएको छ।
