काठमाडौं । आइजीआई प्रुडेन्सियल इन्स्योरेन्स कम्पनलिे गत आर्थिक वर्षको चौथो त्रैमाससम्मको वित्तिय विवरण सार्वजनिक गरेको छ।
कम्पनीले २६ करोड १० लाख खुद नाफा आर्जन गरेको छ । अघिल्लो आर्थिक वर्षको सोही अवधिमा कम्पनीले १७ करोड १२ लाख नाफा गरेको थियो । अघिल्लो वर्षको तुलनामा कम्पनीको नाफामा ५२ प्रतिशतले बृद्धि भएको हो ।
कम्पनीको बीमा कोषको आकार १५२.५२ प्रतिशतले बढेर १ अर्ब ४० करोड ४३ लाख ६७ हजार रुपैयाँ पुगेको छ । खुद बीमा शुल्क आर्जन ३२.३३ प्रतिशतले बढेर ८५ करोड ६७ लाख ३ हजार रुपैयाँ पुगेको छ । कम्पनीको जगेडा कोषमा ५६ करोड ८३ लाख ८१ हजार रुपैयाँ छ ।
यस अवधिमा कम्पनीले ४३ करोड ३६ लाख खुद दाबी भुक्तानी गरेको छ । अघिल्लो वर्षको यसै अवधिमा ३८ करोड ४९ लाख गरेको थियो । अघिल्लो वर्षको तुलनामा कम्पनीले यस अवधिमा बढी दाबी बढी तिरेको हो ।
समिक्षा अवधिमा कम्पनीको प्रति शेयर आम्दानी १२ रुपैयाँ ८५ पैसा रहेको छ । प्रति शेयर नेटवर्थ १६५ रुपैयाँ १२ पैसा रहेको छ । कम्पनीको असार मसान्तसम्म पुँजी ३ अर्ब २ करोड ९३ लाख ३५ हजार रुपैयाँ रहेको छ।
