काठमाडौं । आज मंगलबार सुन चाँदीको मूल्य बढेको छ । सुन आज तोलामा ४ सय रुपैयाँले बढेकाे हाे ।
गत सोमबार प्रतितोला १ लाख १२ हजार ६ सयमा कारोबार भएको छापावाल सुन आज तोलामा ४ सय रुपैयाँले बढेर प्रति तोला १ लाख १३ हजार रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
आज तेजावी सुन पनि तोलामा ४ सयले बढेर प्रतितोला १ लाख १२ हजार ४ सय ५० रुपैयाँमा कारोबार भइरहेको छ ।
गत सोमबार तेजावी सुन प्रतितोला १ लाख १२ हजार ५० रुपैयाँमा कारोबार भएकाे थियाे ।
त्यस्तै, आज चाँदी तोलामा २५ रुपैयाँले बढेर प्रतितोला १ हजार ४ सय ७५ रुपैयाँमा कारोबार भइरहेको छ ।
